وفر تمن الحقن

😇شخص فقير مريض بالكبد ، وفي حالة متأخرة

الدكتور كتبله على حقن غالية ، وللأسف لسوء حالته المادية متعرفش يشتريها

💒لكن ربنا بعتله اللي يقدر يساعده بتمن الحقن
اكتر من سنة ونص الراجل الثري بيجيب حقن للراجل الفقير على امل انه يخف
خصوصا ان الراجل المريض ده كان شغال عند الراجل الثري ومعروف ان معندوش اي مصدر تاني للرزق يشتري بيه الحقن

وبعد سنة ونص مات مريض الكبد ،،
وبعدها بشهرين مات الراجل الثري

😪وهنا بدأ ابن الراجل الثري يسأل ربنا
• طالما حالته المادية ضعيفه ومش هيعرف يعالج نفسه ، رزقته بالمرض ليه !!
• وليه بعد كل المصاريف اللي ابويا صرفها عليه ماشلتش عنه المرض !!
• طالما كاتبله الموت ، ماخدتش روحه قبل اول حقنه ليه !! وكنت وفرت علينا كل الفلوس اللي اتصرفت دي

🙏💒وهنا سمع صوت من السما بيقول:

• الراجل الفقير كان بعيد عني ، والمرض هو اللي خلاه يعرفني ويدعيلي ويصليلي ويقربلي....
في الاول مكانته عندي كانت صغيرة ، لكن بنعمة الشكر والرضا اللي كان فيها ، كبرت قوي ونال مكانه ومنزلة ماكانش يتوقعها ،
• والدك الثري كان قدامه طريق طويل و..و.. وعلشان يغير مساره ومكانته في ابديته  من الظلمة للنور حصل هذا وهو استجاب لاشارة خالقه ، والعطية اللي قدمها بكل محبة كانت سبب كبير في ان طريقه يتغير.....
 والظلام يتحول لنور

💐الاتنين في حضني وفي مكان حلو خالص
🙏واحد جه بكترة الرضا والشكر ،
والتاني جه بكترة العطاء بفرح

🌾انتوا بتبصوا للأرضيات ، لكن انا يهمني السماويات
🌷انتوا بتبصوا للبدايات ، لكن انا يهمني النهايات

وعليه وعليه....
🌲لو جاتلك فرصة تعمل خير ، اتشعلق فيها
جايز تكون السلمة الاخيرة اللي هتطلع عليها لطريق الملكوت
ولو جالك المرض او وقعت في ضيق ، قابله بفرح وشكر ثم الشكر ثم الشكر
لانه هيكون السنارة اللي هتنتشلك من الظلمة الي النور

🙏ربنا بيبعت اختبارات طول الوقت ، ويابخت اللي ينجح فيهاويحسن من مستواه
 بل ويتفوق
ويسافر بدرجةامتياز🌴

الوسوم: قصص