معجزة قيامة

كان فيه واحد كل حياته مع ربنا باستمرار يقول يارب اللي انت رايده يكون ولما ضغوط الحياه زادت عليه ومعرفش يستقر في مصر نظرا لبعض الاضطهادات اللي كانت بتلحقه قرر انه يسافر ولما سافر هو ومراته وابنه الوحيد 4 سنوات راح امريكا وبالفعل حصل علي فيلا بحمام سباحه ووقف صلي لربنا وقاله طالما انت جبتنا هنا و خلتنا نسكن الفيلا دي فانا موافق علي ارادتك ومش ممكن ابدا هخالف الاراده بتاعتك

وفي يوم من الأيام وكانت مراته واقفه قدام بلكونه الفيلا شافت ابنها الصغير وهو طافي علي وش ميه حمام السباحه .. جريت الام وصرخت لكن مفيش امل

اتصلت بجوزها ساب شغله وجري علي الفيلا لقي الامن محاوط الفيلا ومنعوه من الدخول . فضل الزوج يتحايل علي الامن اللي كانوا لفوا الولد بالمشمع والبلاستر ..وبعد محاولات مستميته من الزوج للامن قرر قائد الامن ان الاب يدخل يشوف ابنه للمره الاخيره قبل اتمام اجراءات الدفن

راح الراجل خطوه قدام وخطوه لورا وبص علي الولد الملفوف وفك ناحيه وشه ورفع عنيه السما وصرخ يارب .. انا سبت كل حاجه علشانك انا

سبت اهلي ومالي وحياتي كلها علشان عاوزك انت .وانت وعدتني انك مش هتتخلي عني . ده ابني وانت اكتر واحد عارف الابن غالي اد ايه ..وانا مش موافق انك تخده مني ولاول مره بقولك يارب وبخالف ارادتك .انا مش هسيب ابني ومش همشي من غير ما يكون معايا

فتح الولد الصغير عينيه وعمل حر كه بشفايفه كان الاب متعود يعملهاله ...

ربنا بس عاوز يسمع صوتك

جورج فريد

القصه دي حقيقيه بطلها شخص اسمه عبد الفادي وانا حكيتها زي ما انا سمعتها علشان كله يقول اه يارب....اد ايه انت عظيم

الوسوم: قصص